Schrijvers om de Noord

 
 
 
 
 
 
 
 
 
Egbert Meyers
tekening door Ger Siks

Egbert Meyers

Kleuren van oktober

As 'n laote oktoberlocht
de eerste naachtvörst brengt
En de aole kaole linde
zachies zucht in de aovendwind
As de zun de locht in glui zet
in 't tweiduuster van de dag
Pook ik wat in de kachel
'k wol daj bij mij waren mien wicht

As in 't vrogge mörgenschemer
die lange uren klaort
En in het lèeste restie duuster
de neie mörgen gloort
As Keuning Winter dommies
regeert met snei en ies
Krieg ik 't weer te kwaod
wicht aj ies wuzzen hoe 'k je mis

Zie de kleuren van oktober
as poëtisch koloriet
Een palet van zaachte klaank
die ik vermaggel tot dit lied
Zölfs al brengt de zunnewende
zoveul daogen grauw en gries
De kleuren van oktober
bint de kleuren van verlies

vorige
volgende