Schrijvers om de Noord

 
 
 
 
 
Egbert Meyers
tekening door Ger Siks

Egbert Meyers

As ‘n taol staarft

as ’n taol staarft
de goddelijke dingen
steerns, zun en maon
de mčensendingen
zuks as dčenken en vulen
weerschient verdan niet meer
in dizze spiegel

as ’n taol staarft
aal wat der in dizze wereld is
oceaonen en rivieren
dieren en plaanten
dčenk niet meer an heur
nuum heur naom niet weer
zie bestaot niet meer

as ’n taol staarft
en raom en deur bint dicht
wordt aal ‘t volk van de wereld
niet langer verteld
hoe de mčenselijke dingen te zeggen
op een aandere wieze
wat as ’t is en wat ’t betiekent
um op eerde te leven

as ’n taol staarft
de woorden van liefde
klaank van pien en zörg
aole liedties lichtkaans
aole verhaolen, toespraoken, gebeden
gienien en ’t gef niet wel
zal ze niet herhaolen kunnen

as ’n taol staarft
dan is zoveul gaon
en veul zal zo gaon
spiegels veur aaid kepot
schaddes van stemmen
veur aaid verstild
oeze saomenleving wordt aarmer
as ’n taol staarft

vertaald uit het Azteeks door Miguel Leon Portillo. Drentse vertaling: Egbert Meyers

vorige
volgende