Schrijvers om de Noord

 
 
 
 
 
 
 
 
 
 
 
 
 
 
 
 
 
Jan Siebo Uffen
tekening door Ger Siks

Jan Siebo Uffen

Wil ik in mien toentje goan

Wil ik in mien toentje goan
Siepels kweek ik geern
Staait mie doar zo'n sjantiekoor
Ede Stoal te reren

Wil ik in mien keuken goan
Soep wil ik damt koken
Staait mie doar zo'n sjantiekoor
Het mien staingoud broken

Wil k in koamer eten goan
Brintapap mit vlijen
Staait mie doar zo'n sjantiekoor
Boven mien bord te spijen

Wil ik op mien beune goan
Haarde boontjes pakken
Is mie doar zo'n sjantiekoor
Deur t plefon aan t sakken

Wil ik in mien kelder goan
Veur mien dreuge lever
Staait mie doar zo'n sjantiekoor
Doen, van mien jannever

Soavends noar mien koamertje
Berre ropt van verren
Staait mie doar zo'n sjantiekoor
'Lauwerzee' te blerren

As ik onder dekens lig
Dreum ik over vrede
Ligt doar weer zo'n sjantiekoor
Vaalt mie in de rede:
Beste kerel, bistoe kloar
Dreum den van ons sjantiekoor

vorige
volgende