Schrijvers om de Noord

 
 
 
 
 
 
 
 
 
 
 
 
 
 
 
 
 
 
 

Jan Veldman

Laidje

In botterdaip, in botterdaip
Bie tiltje van Oethoezen
De zun hing leeg, het wotter kreeg
Een kleur van vette moezen
De braandweer dregde overaal
Zo zochten hom mit honden
Bie tiltje van Oethoezen
Hemmen ze Jampie Diekstroa vonden

In botterdaip, in botterdaip
Maank rait en kroos en vissen
Doar dregden ze maal Jampie op
Wel zal maal Jampie missen
Vrouw Diekstroa ging een week derveur
Bie elkenain van stroat aan deur
Ze vroug zulfs mie, dij dattien waas
Woar of heur laive Jampie waas
En ik dreumde dat-e laip
Op botterdaip, op botterdaip.

In botterdaip, in botterdaip,
Zo kold, zo smaal, zo duuster
Gainain dij meer om Jampie lacht'
Der waas allain gefluuster
Lejongens belkenden hom altied noar
Hai haar zo'n roare kop mit hoar
Hai vlukte haard, hai laachte dom
En ik waas n beetje baang veur hom
k Waas best tevreden dat-e slaip
In botterdaip, in botterdaip.

vorige
volgende